Rydyn ni’n cynnig rhywbeth i BAWB!
Mae Casnewydd Fyw yn darparu gweithgareddau chwaraeon, hamdden a diwylliannol yng Nghasnewydd i gefnogi iechyd a lles pobl o’r ddinas a’r tu hwnt a'u hysbrydoli i fod yn hapusach ac yn iachach.
Ynghylch Casnewydd Fyw
Rydym yn fenter gymdeithasol ac yn ymddiriedolaeth elusennol gofrestredig, mae’r arian rydym yn ei ennill yn mynd yn ôl i'r gwasanaethau a'r cyfleusterau rydym yn eu cynnig – felly mae cwsmeriaid Casnewydd Fyw yn ein helpu i gefnogi ein cymuned leol.
Mae gennym nifer o gampfeydd, pedwar pwll nofio, canolfan tenis yn ogystal ag ystod eang o gyfleusterau chwaraeon eraill. Ochr yn ochr â’r rhain, mae Canolfan Glan yr Afon, canolfan theatr a chelf ranbarthol hirsefydlog yn cynnig amrywiaeth o berfformiadau byw, dangosiadau a gweithdai.
Mae Tîm Datblygu Chwaraeon a Chelfyddydau Casnewydd Fyw yn cynnig rhaglenni chwaraeon o safon uchel ledled dinas Casnewydd a’r tu hwnt, i ysgolion, teuluoedd a grwpiau cymunedol eraill.
Fe'n llywodraethir gan fwrdd o ymddiriedolwyr ac fe'n gweithredir ar ran Cyngor Dinas Casnewydd.
Mae Casnewydd Fyw yn gwmni cyfyngedig drwy warant, sy’n gofrestredig yng Nghymru a Lloegr, Rhif Cwmni 9323582, ac yn elusen gofrestredig; Rhif Elusen 1162220.
Ein Cyllidwyr a'n Partneriaid
Gweithio i Casnewydd Fyw
Mae Casnewydd Fyw yn cydnabod bod ei staff yn gwneud y gwahaniaeth a’u bod o hyd yn chwilio am ragor o bobl â gwerthoedd gwych i ymuno â’r tîm. Os oes gennych ddiddordeb mewn unrhyw un o’n cyfleoedd presennol, byddwn wrth ein bodd yn clywed gennych.
Cefnogwch ni
Mae Casnewydd Fyw yn sefydliad ac elusen dosbarthu nid-er-elw, sy'n golygu bod ein holl incwm sy’n weddill yn cael ei ailfuddsoddi yn y sefydliad i wella ein rhaglenni, ein cyfleusterau a’n gwasanaethau ac i gefnogi hyfforddiant a datblygiad staff. Fyddai hyn ddim yn bosibl heb eich cefnogaeth barhaus chi.
Llogi Corfforaethol a Chyfleoedd
Yn Casnewydd Fyw, ein gweledigaeth yw ysbrydoli pobl Casnewydd a thu hwnt i fod yn hapusach ac yn iachach ac mae gennym lawer o ffyrdd y gallwn eich helpu i gyflawni nodau eich busnes a chefnogi eich sefydliad.
Ein Cenhadaeth, Gweledigaeth a Gwerthoedd
Ein Cenhadaeth yw bod yn ddewis cyntaf bobl ar gyfer chwaraeon, hamdden, diwylliant ac adloniant, gan ddarparu rhaglenni a digwyddiadau ysbrydoledig mewn cyfleusterau o safon uchel, gyda staff medrus a brwdfrydig sy'n creu bywydau hapusach ac iachach.
Ein Lleoliadau
Mae Casnewydd Fyw yn rhedeg 7 lleoliad chwaraeon a hamdden ledled Casnewydd.
Aelodau'r Bwrdd a'r Tîm Gweithredol
Cwrdd a Aelodau'r Bwrdd a'r Tîm Gweithredol Casnewydd Fyw.