CEFNOGWCH NI

Mae Casnewydd Fyw yn cyflwyno rhaglenni chwaraeon a chelfyddydau hwyliog, cynhwysol a hygyrch yn ein cymuned ar gyfer plant, teuluoedd, ysgolion, clybiau chwaraeon a grwpiau lleol ledled y ddinas.

Rydym yn deall pwysigrwydd gweithgarwch corfforol, ymarfer corff, cadw'n heini a chymryd rhan yn y celfyddydau a gweithgarwch creadigol arall a bod y rhain yn hanfodol i les corfforol a meddyliol ein cwsmeriaid. 

Rydym yn sefydliad elusennol nad yw’n dosbarthu elw, sy'n golygu bod ein holl incwm sy’n weddill yn cael ei ail-fuddsoddi yn y sefydliad i wella ein rhaglenni, ein cyfleusterau a’n gwasanaethau ac i gefnogi hyfforddiant a datblygiad staff. Fyddai hyn ddim yn bosibl heb eich cefnogaeth barhaus chi.

Fel aelod neu gwsmer Casnewydd Fyw rydych yn helpu i gefnogi ein gwaith cymunedol hanfodol ac rydym yn hynod ddiolchgar. 

Ein Cefnogaeth Gymunedol

Chwaraeon a Lles

Mae’r Tîm Chwaraeon a Lles Cymunedol yn cynnig ac yn hwyluso cyfleoedd chwaraeon o ansawdd uchel i blant, teuluoedd, ysgolion, cymunedau, clybiau a grwpiau lleol ledled Casnewydd. Mae hyn yn cynnwys rhaglenni cynhwysiant cymdeithasol sy'n seiliedig ar chwaraeon, cymorth ar gyfer iechyd a lles teuluoedd, rhaglenni chwaraeon ysgol, llythrennedd corfforol a mwy. Mae eich cefnogaeth yn ein galluogi i barhau i gyflawni'r prosiectau a'r gweithgareddau sy'n golygu cymaint i'n cymuned.

Darllen rhagor

Datblygu’r Celfyddydau

Mae tîm Datblygu Celfyddydau Cymunedol Glan yr Afon yn cynnig nifer o wahanol brosiectau, rhaglenni a mentrau sydd oll wedi'u llunio i gael cynifer o bobl â phosibl o bob oedran i ymwneud â'r celfyddydau a chreadigrwydd. Nod Glan yr Afon yw chwalu'r rhwystrau a allai fod yn atal aelodau o'r gymuned rhag cymryd rhan a dod i'r theatr yn ogystal â chefnogi artistiaid. Heb eich cefnogaeth chi, ni fyddai'r tîm yn gallu cynnal rhai o'r gweithgareddau gwych hyn.

Darllen rhagor

Diolch

Diolch i'n holl gwsmeriaid ac aelodau anhygoel sydd wedi ein cefnogi.  Ni allem wneud ein gwaith hanfodol i gefnogi lles y gymuned hebddoch chi.